കക്കയത്ത് കർഷക രക്തസാക്ഷ്യത്തിന് ഒരാണ്ട്.

വഞ്ചനാദിനം ......... കക്കയത്ത് കർഷകൻ പാലാട്ടിയിൽ അബ്രാഹം കാട്ടുപോത്താ ക്രമണത്തിൽ കൊല്ലപ്പെട്ടിട്ട് മാർച്ച് 5 ന് ഒരാണ്ട് . മൂന്ന് ദിവസത്തെ തുടർച്ചയായ ജനകീയ സമരത്തെ തുടർന്ന് നഷ്ടപരിഹാരമായി കുടുംബത്തിന് പത്ത് ലക്ഷം രൂപയും മക്കൾക്ക് താൽക്കാലിക ജോലിയും നൽകി.

എന്നാൽ അബ്രാഹാമിൻ്റെ രോഗിയായ ഭാര്യക്ക് ചികിത്സാ ചിലവ് ,കൃഷിയിടത്ത് ഫെൻസിംഗ്, RRT പട്രോളിംഗ്, അക്രമണകാരിയായ കാട്ടുപോത്തിനെ വെടിവെക്കും തുടങ്ങിയ വാഗ്ദാനങ്ങൾ ഇതുവരെ പാലിക്കപെട്ടിട്ടില്ല. അതുകൊണ്ട് കത്തോലിക്ക കോൺഗ്രസ് മാർച്ച് 5 ന് വഞ്ചനാദിനം ആചരിക്കുമെന്ന് ഭാരവാഹികളായ ഫാ. വിൻസൻ്റ് കണ്ടത്തിൽ ജോൺസൺ കക്കയം, നിമ്മി പൊതിയേട്ടേൽ, സണ്ണി എമ്പ്രയിൽ ബോബൻപുത്തൂരാൻ,ദാസ് കാനാട്ട് ജയിംസ് കൂരാപ്പള്ളി എന്നിവർ പറഞ്ഞു.

മാർച്ച് 5 ന് വൈകുംനേരം 4 മണിക്ക് മുപ്പതാം മൈലിൽ നിന്നും ഫോറസ്റ്റ് ഡിവിഷൻ ഓഫീസിലേയ്ക്ക് പ്രതിഷേധ റാലിയും, പൊതുസമ്മേളനവും നടക്കും കത്തോലിക്ക കോൺഗ്രസ് രൂപതാ ഡയറക്ടർ ഫാ സബിൻ തുമ്മുള്ളിൽ ഉദ്ഘാടനം ചെയ്യും.

രൂപത പ്രസിഡൻ്റ് ഡോ . ചാക്കോ കാളാം പ്പറമ്പിൽ മുഖ്യ പ്രഭാഷണം നടത്തും 'ഫാ ജിനോ ചുണ്ടയിൽ പ്രമേയം അവതരിപ്പിക്കും. ഫാ. പ്രിയേഷ് തേവടിയിൽ കർഷക പ്രതിരോധ പ്രതിജ്ഞ ചൊല്ലി കൊടുക്കും. ഫാ.വിൻസൻ്റ് കറുകമാലീൽ, ജോസ് ചെറുവള്ളി, ബേബി വട്ടോട്ടുത്തപ്പേൽ , എന്നിവർ നേതൃത്വം നൽകും